العيب مني مش منها
السلام عليكم
انا شاب عمري 32 متزوج من سنة من بنت محترمة وبيني وبينها احترام وحب من ايام الخطوبة ولبعد الزواج .
صارلنا سنة متزوجين والكل كالعادة بيسأل ليش ما خلفتو لهلا سواء من اهلي او اهلها ماكان عندي مشكلة وحكيت لما ربنا يريد ، عملت زوجتي فحوصات كتير والوضع طبيعي والدكاترة يحكو مافي مشاكل ، وماخلصت من كلام اهلها واهلي وتسميع الحكي ، الي اصدقاء صيدلانية نصحوني انا اعمل فحص وتوكلت على الله وعملت فحص وللاسف طلعت المشكلة من عندي انا ، صارحت زوجتي وشبه تقبلت الموضوع ولكن ماخلصنا من حكي اهلها عالطالعه والنازلة بسموها حكي انو شو بدك فيه وحقك تشوفي حياتك وتخلفي ، وانا بتقطع من كلامهم ، كررت الفحص ،3 مرات ونفس النتيجة مافي امل والحمدلله ، حاليا اهلها طلبوها تزورهم ومارضيو يخلوها ترجع وطالبين الانفصال ، انا والله العظيم بحبها وحكيتلها بنقدر نتبنى طفل بس اهلها رافضين ترد ترجع عالامارات لعندي وطالبين الطلاق ، هي بتدخل على هاي الصفحة واكيد حتقرا القصه ، انا وقسما بالله بحبك ياهلا باطفال وغير اطفال وحياتي بدونك يعلم الله فيها ، بتمنى ازا بتحبيني انتي الي تقرري وماتاخدي بتاثير اهلك وازا كان خيارك الانفصال ، الله يسامحك ويخترلك الاحسن .
ساعدوني شو اعمل ...........