×

السلام عليكم

تاء التأنيث في مجتمع ذكوري 'منطمرة' إذا بتلاحظوا إنه بالفعل الحظ الوحيد للبنت و يلي بحسسها إنه بعده الخير موجود بهالدنيا و إنها إلها قيمة ، هو مهرها بس ! 

و مع ذلك البعض بحب يسلب هالشي منها و ياما انقامت ندوات و نشاطات اجتماعية بمؤتمرات و بالصحف و بالتلفزيون بتتحدث عن غلاء المهور !!و لازم نرحم الشباب و يا حرام محزون عليهم ! وبروحوا يوخذوا أجنبيةساذجةمابتعرف إنه بالإسلام في مهر لإلها!يعني بغشوها بالرغم من إنها حتى ولو أجنبية لكن حقها يكون لإلها مهر ، بس هي غشيمة و هم بستغلوا هالشي لصالحهم! و لما تكتشف سذاجتها بعد زواجها من الرجل الشرقي الأناني بتهرب عالمكان يلي كانت فيه.و المشكلة إنهم رايحين جايين يحكوا : حديث الرسول عليه الصلاة و السلام:'أقلكن مهورآ أكثركن بركة 'يعني بكونوا ما بعرفوا بالدين تجاه الأنثى إلا هالحديث الحسن و الغير صحيح . 

وليش ماعمرنا سمعنا حدا بقول إنه ربنا قال:'وآتوا النساء صدقاتهن نحلة' يعني فرض!بل حتى بنستغرب لما شب ما يقلل مهر العروس و الناس تعمله شاطر!هي صح إنها العروس كسبانة أجر، بس مش يعني ذلك لو كان إلها مهر إنها آثمة.و رسولنا كمان وصى بالنساء خيرآ،وقال ما أكرمهن إلا كريم و ما أهانهن إلا لئيم ، و هن المؤنسات الغاليات. 

.و بالرغم من ذكورية المجتمع بشكل لافت و ظالم،بل حتى الطفلةالبريئة بتلاحظ على الظلم!بس مع ذلك ما حدا شاطر محرك ساكن ليش؟والبعض رايح جاي يتحدث عن غلاء المهور و برحموا الشباب و إنهم مساكين؟طيب ليش هو العرف الوحيد يلي الناس بتحاول تغييره؟يعني لإنه هو الحق الوحيد لصالح الأنثى؟!بالرغم من إنه غلاء المهر مش حرام شرعآ !بس إعطاء صلاحيات للشب زيادة عن الأنثى بدون مبرر شرعي هذا هو الحرام ، حتى أنا شخصيآ مش مع غلاء المهور بس ليش هو العرف الوحيد بحاولوا تغييره؟! 

لا و الأكبر من هيك ممكن الزلمة بنفسه يعاير زوجته بمهرها القليل و كتير بنسمع هيك!طيب ليش كمان في زلام كتير وضعهم المادي مش بزيادة و مع ذلك بعددوا الزوجات و بقولوا الشرع حلل أربعة ؟ و ياريت بتلاقيه معطيهن حقهن أو عادل بينهن هذا يلي بحكي بالشرع لصالحه.

ليش بعذروا الشب و بحزنوا عليه بالرغم من إنه واصل و بقدر يتحرك بهالحياةكيف ماشاء .لا و كمان ببحث عن موظفة لحتى تساعده يا حرام ، عدا عن إنه بكون عمره صار 30 سنة ومن زماااان و هو بدخن و بتمصرف و بروح رحلات مع اصحابه و بعيش حياته و يا ريت بوفر لا كمان بطلب من أمه و أبوه!

و وقت الزواج بتقاعس عن المهر يلي هو حق زوجته!كيف لو ما في منهن كويسات كتير وببيعن الذهب و بحطنه بالبيت؟!عدا عن إنه الأثاث هو وياها قاعدين عليه!غير المؤخر يلي احتمال يكون عبارة عن حبر على ورق .فليش جننتونا بغلاءالمهر؟!