دفع حياته ثمنا لمساعدتي
السلام عليكم
باختصار أنا فتاة وكان فيه انسان كتير عزيز وغالي على قلبي وربي يعلم قديش محروق قلبي عليه..
بيوم قصدته بخدمة وهو ما قصر ..وكانت النتيجة انه دفع حياته ومات خلال ما كان يؤدي لي هالخدمة ..
مات ومن ساعتها وحاسة اني انا السبب !!
بعرف رح تحكولي نصيبه وعمره انتهى.. بس احساس الذنب رح يموتني وبجد لو بعرف هيك رح يصير لكنت تمنيت يرجع في الزمن واعتذر له
انا ما في شي رح يواسيني ولا بدي حدا يحكي لي معلش وقدره ..لأنه هالحكي صارله اكتر من سنة ومش عارفة اتقبل اللي صار
صورته ببالي وما بيروح من بالي ابدا.. نفسي اعمل له شي من شان يرتاح بقبره وربي يخفف عنه ويسامحه..
هو مات بعز شبابه وانا كتييييير قلبي محروق ومقهور من اللي صار
شو اللي بقدر اعمله وربي يتقبله مني لان ما في شي بايدي غير اني اتقبل اللي صار واستنى لما نتقابل ..الله يرررررحمك يا غالي
ادعوا له بالرحمة بظهر الغيب اله ولجميع اموات المسلمين