أخر الأخبار
صديقي يلمح باستمرار أنه يحبني كيف أتعامل معه
صديقي يلمح باستمرار أنه يحبني كيف أتعامل معه

السلام عليكم 

ما عندي اصدقاء من الجنس الاخر كثير، وعندي تخوف كبير منهم ودايم احط حدودي معهم لما دخلت الجامعة وثاني سنه تحديدا تعرفت على واحد عن طريقة الصدفه عشان سالفه تتعلق بمادة، وكان يفهم اكثر مني كلمته والخ ومن سؤال يجر سؤال لين صرنا اصدقاء ضمن حدود طبعا واللي دايم انا افرضها وهو يتضايق منها مرت شهور وبديت احس بتغيره ناحيتي بطريقة كلامه كأنه يلمح واحاول اتجاهل واتجاهل لين بديت احس انه يرتاح لي لدرجة ساعات يدخل علي ويتكلم عن علاقاته، عائلته وامور كثيرة ب اريحية حتى الاشياء اللي ماتنقال لصديق مهما كان قربه يقولي ويشاركني يومه وكل حاجة ويأخذ رأيي، واذا لمح بالكلام وتهاوشت معه يقولي ترا مابي علاقة معك بالحرام ولو ابيها بتكون بالحلال والخ، مهما ابتعدت وتجاهلت حركاته احصله مهتم لدراستي اكثر مني ودايم يعطيني دافع وساعات يحضر عني المواد اونلاين، يجيب لي تسريبات للاسئلة مع اني ما اعطيه وجه كثير، يذكرني بحاجات كثير ساعات انساها من كثر التعب، ساعات احسه باني مستقبل معي بخياله مع اني وضحت له كم مرة اني شخص ما يؤمن بالحب ولا يبي يتزوج ولا يفكر ولا حتى بخوض اي علاقة بس ليش مستمر معي مع اني اصده ونتهاوش بسبب عاطفيته تجاهي، ولاني شخص عقلاني يتعب الموضوع وساعات اخاف منه لاني ما اثق ب احد احس مسألة وقت وتعلق مش اكثر وراح يتلاشى، يعني ب اختصار مع احسه يحبني ولا راح اصدق مع انه يلمح ويسوي افعال بس انا ما احس انه فيه، ممكن تعطوني رأيكم في هذا الوضع لاني عايشه تشتت وماعرف وش اسوي