×

السلام عليكم

انا تزوجت عن حب رجل اكبر مني ب١٥ سنة ولدي طفلان لي متزوجه ٤سنوات زوجي كذب علي في فترة تعارفنا انه لم يتزوج الا مره واحده وانفصل وبعد ماتزوجته لقيت رسايل في البيت مكتوب عليها زوجتك فلانه ؟! وكان غير اسم زوجته السابقه جتني صدمه وصرت م اثق فيه ولمن واجهته قال لي انا ماحبيت اقولك اني تزوجت مرتين عشان لا اخسرك رغما مايفرق معاي تزوج مره او مرتين لكن الي ضايقني ليه يخبي ويحطني بموضع الغبيه ؟!والشي الاخر طالما انه بدا حياه جديده ليش لسى محتفظ بهذي الرسايل ! سكت لاني كنت حامل وقتها وهو اعتذر وقفلت ع الموضوع بعد ماانجبت زوجي صار ينام وحده و عبرت له عن ان هالشي يضايقني وكان يسايرني بالبدايه بعدين صار يفضل النوم وحده واذا قلت له شي قال الاولاد يزعجوني طلعت اولادي بغرفه وحدهم عشان لانفقد حياتنا الزوجيه وبرضو استمر ينام بغرفه وحده ! غير انه مقل جدا بالعلاقه الحميمه من بداية زواجنا يمكن مره بالاسبوع او مره كل اسبوعين رغم انه تزوجني عن حب وعلاقتنا ٧سنوات قبل الزواج وشافني بجميع حالاتي ومعجب فيني وانا دايم اتزين له واتعطر بدون فائده هو بارد جدا ووقت العلاقه يصير عنده ضعف انتصاب واعتقد هذا السبب لكن ماعمري حسسته بشي عشان لا اجرحه انا احبه كثير ولكن هذا الشي قتل انوثتي اكيد الحياه مو كلها جنس بس حتى التودد بالكلام الحلو او حضن او لمسة يد صفر مايعبر عن مشاعره الا اذا تخاصمنا وايضاانا وقفت دراستي لمن تزوجنا وحملت و جبت اثنين رضع ورا بعض وماكنت مقتنعه انجب ع طول واقنعني انه بيساعدني وبس ولدت واخذ قرض عشان نبني بيت العمر اكتشف انه قدم ع الماجستير بدون لايقولي وطبعا اجل العمار واخذ فلوس القرض لدراسته وتركني مع اثنين رضع وحدي ورفض حتى يجيب لي خادمه تساعدني انا اكيد افرح له ونجاحه نجاحي لكن في اولويات بالحياة وهالشي حسسني انه اناني جدا وبعد مادرس الماجستير طبعا بالاضافه الي وظيفته صارت علاقتنا الجنسيه مره بالشهر و بدون نفس لانه دايم مشغول وتقدرون تقولون رفع عتب لا اكثر وصار يعوضني بالفلوس لكن الفلوس مو كل شي من قريب توفت عمتي وماقال لي عظم الله اجرك وبس قلت له انا جاهزه توديني العزا او اذا مشغول بكلم احد من اخواني يوديني لان عنده اختبار قلتها بدون زعل وقام صيح علي خلاص كلميهم وسكت شوي جا قالي يله ولا فكر يعزيني كل الي قاله انا عندي اختبار وانتي جايه تقولين عمتك ماتت والولد تعبان الاقيها من وين قلت له هذا امر الله مو بيدي وسكت لكن شلت بخاطري كثير !ولمن جيت شفته مرهق واضح من السهر وقلت له الي يشوفك يقول انك تتعاطى قصدي ع شكله وكنت امزح قام زعل ولمن قلت له ترى كنت امزح قالي كذابه م تمزحين انصدمت وسكت عذرته عشان عنده اختبارات ورحت!وكل فتره احصل بكتبه يكتب حرف طليقته الاولى بشكل مكرر لامجال اني اصفي نيتي لانه ايضا في احدى المرات غلط وقال اسمها وهو ينادي لولدي وسكت بعدين واجهته قال لي انتي مريضه انا متأكده انه ماعنده علاقات لان ماعنده وقت اصلا بين الوظيفه والماستر وجواله وكل اشيائه مفتوحه لي لكن ليش م يحترم مشاعري هالشي قتلني وانا في عز شبابي يعني مقصر معاي جنسيا ومعنويا وكل شي حتى طلعه يقول مو من حقك واذا فضي مره بالشهر يودينا حديقه جنب البيت والجو حار جدا واذا ناقشته يقول ماني فاضي يعني بأختصار حارمني من كل شي يمكن الي يقرا مشكلتي يحس انها مشاكل بسيطه ماتستدعي الطلاق لكن انا جديا بدات افكر بالانفصال رغم حبي له مجروحه منه واحسه شخص اناني حتى اذا جيت بتناقش معاه بشي يقولي مو فاضي اذا خلصت الماجستير نتكلم !انصحوني هل انا معاي حق صح انها اشياء بسيطه بس صرت دائما مهمومه منها