×

مرحبا أنا بنت عمري 26 سنة حلوة ومحترمة ومن عيلة محافظة .

مشكلتي إني بحب واحد وعلى علاقة معه من سنة ونص تقريبا ، وقبل اسبوع أجاني عريس ماشاء ألله كامل مكتمل مال وجمال وكمال ، عنده فيلا وسيارة .

حبيبي ذابح حاله علي وبحبني موت وأنا كمان بحبه كتير بس والله هلعريس مابتعوض لإنه لغاية الآن هذا أفضل عريس رغم إني كنت أرفض السابقين لأمور تانية مش منشان حبيبي ،بس هلأ لإني بحبه كتير خايفة على مشاعره الإنه بحبني لدرجة لاتوصف ،وبنفس الوقت حابة أوافق بشدة خاصة إنه الكل بشجعوني عالعريس وبحكولي انسى حبيبي ولو إنه بدياني عنجد كان ماخلاني أحاكيه لمدة سنة ونص كان أجاني من زمان أو بالأحرى حبيبي مامعه مصاري ومعنى هالإشي إنه العريس أفضل منه .. 
شو أعمل احكولي واحكولي كيف أفاتحه بهالموضوع ؟ أنا خايفة إنه يصير معه انهيار عصبي . 
سلام