×

مرحبا، انا امراة متزوجة وعندي ثلاث اولاد مشكلتي اني كل ما اخرج من مشكلة ادخل باخرى، انا ملتزمة والحمد لله اصلي واقرأ القرآن، بمرض كثير لدرجة انه ما في طبيب الا زورته، بس للاسف دائما بعاني من الم واوجاع بدون سبب، من فترة صار معي شغلة انه انا بس يناموا الجميع ببدء اسمع اصوات مشي او ناس بتحكي بصوت واطي او تكسر ما حكيت لحد لحتى ما يحكوا عني مجنونة رغم انه زوجي بسمع هيك شيء بس بفكر من الجيران رغم انهم الجيران بعاد، انا بشوف خيالات سود بتمرق من امامي وحتى لما كون اصلي في شغلات بتمرق من قدامي بتشوش بالصلاة، المشكلة عندي هي مش خوف قد ما هي مزعجة، انا دايما بشغل القرآن بالبيت بس القصة اني تعبانة كثير من كل شيء وصايرة عصبية لدرجة كبيرة لانه كل ما اعمل شيء ما بيكمل واولادي دائما مرضانين، تعبت من كل الي حولي لدرجة اني ما بحكي مع اي حد، انعزلت عن الناس كلها بتمنى انه حد يساعدني لاني وصلت لمرحلة اني استسلمت من كل شيء.