×

مرحبا

زوجي مسافر من 7 شهور ومن اول ما سافر وفي خلافات بيننا وبدأت احس بتغيره المفاجئ ناحيتي و كمان صارعنده حساسية من ناحية اهلي وصار مقصر معي جدا

لا بيبعت رسائل ولا بيحكي ولا بيسأل الا كل اسبوع

المهم كنت بزعل شوية واتحمل واقول مش مشكلة .. بقينا هيك 5 شهور اسبوع نتخانق واسبوع نتصالح لما اعصابي تعبت

ولما قرب عيد الام اشتريت هدية لحماتي وقلت له اني رح ازورها .. اتفاجأت برد فعل غريب وصار يصرخ ويقول أمي مش محتاجة شي من حد مع اني السنة اللي فاتت جبت لها عادي وكان مبسوط

المهم زعلت من رد فعله وقال لي ' ما تروحي احسن ما ترجعي بهديتك ' وقطع الاتصال ومن يومها لم يتصل بي نهائيا ..

بعتت له رسائل واتحايلت عليه واتصلت وهو ولا سائل في من شهرين حتى حسيت اني ضيعت كرامتي بس كان بدي احافظ على بيتي وخاصة انا متجوزة من سنة ونصف بس وهو كل سنة بيقعد معي شهر واحد بس ..

طلبت من اهلي انه حد يتدخل رفضوا وقالوا هو حر وما تتصلي فيه مرة تانية ولما ينزل نشوف هو شو بده .. بس معقول لسه أستنى 6 شهور كمان ؟؟ والله اعلم رح ينزل وإلا رح يعند ويضل هناك 

ما انا خلص مش عارفه اخباره !!

نفسي اعرف ليش بيعمل هيك ؟؟ رح أتجنن ومش عارفة اتصرف .. هو بده إياني وإلا رح يطلقني مش راسية على بر ومش عارفه اخرتها !!

من كتر قسوته حاسة اني بدأت اكرهه وانى مش قادرة اكمل معاه