يريد أن يتزوج عليّ ونحن لازلنا مخطوبين!!!
السلام عليكم جميعاً
خطيبي (اول واحد بحياتي) بده يتزوج علي لما نتزوج!!!
لااا وكمان بده نتفق انه ما يخلف غير مني انا .. وعمره ما رح يطلقني!
بس المهم انه أنا اوافق إنه يتزوج علي ومبرراته انه لازم الزوج يغيّر جو من وقت للتاني ..
ولما بيّنت اني زعلانه حكالي هو انا يعني رح احبها ولا اعشقها .. هي بس 'جاي ورايحه مره تانيه ' .. وانتي ام ولادي !!
بصراحه انا خايفه كتير يعمل هيك لأنه ابوه كمان 'مزواج' وخطيبي عنده اخوات من اكتر من زوجه اب ..
انا خايفه يكون متعقد من ابوه!
ما عندي حل .. يا ريت تفيدوني يا جماعه ! ما بدي اتعلق فيه وأحبه وأتعب وأنجرح ..
انا حكيتله انه يدور على وحده غيري لو ضل مصرّ على رأيه ..
مع انه صرنا متفقين على كل شي وكنا زمايل .. ومن واحنا صغار كان يتعرف على بنات كتير بعدين بطّل كل هالحركات وخطبني ..
يعني هل في أمل انه يصير رجل مستقيم والا لأ .. مو عارفه شو اعمل !