×

السلام عليكم

انا شاب عمري ٢٤ سنة تخرجت من الجامعة والحمد لله توظفت براتب زين، كنت على علاقة مع بنت حبيتها من احد مواقع التواصل الاجتماعي من عمر ال ١٨ وهي اصغر مني بسنة حبيتها من كل قلبي وماكلمت ولا بنت غيرها وكانت هي حبي الاول والأخير وكنت اوعدها بالزواج ونيتي طيبة مابيني وبينها غير محادثات على النت ومكالمات صوتية وفيديو ونادر نلتقي في كوفي يعني ما بينا شي كبير بس قصة حب بريئة وغزل مو اكثر، تخيلوا انها امس صدمتني وقالت لي انها انخطبت وراح توافق لأن الرجال عجبها وسمعته طيبه! قلت لها ليش وانا شفيني كنت معك من ٦ سنين تتركيني بكل هاذي السهولة!! كان ردها بالنسخ انت من ٦ سنين تكلمني وعلى اساس علاقة حب كبيرة وناجحة بس كل مرة اقول لك تخطبني ما تخطب وانا ما اشوف ان مالي مستقبل معك واخاف تغدر فيني وتضيع علي فرص زواج وفي الأخير تاخذ غيري وقالت لو انك ما تكلم غيري كان خطبتني من زمان بس واضح انك تتسلى فيني وفي أكثر من وحدة روح شوف طريقك والله يوفقك وانسى اللي بينا انا خلاص مابينا نصيب ، انا هنا انصفعت على وجهي بكلامها الجارح واتهاماتها انا عمري ما دخلت في علاقة مع اي بنت غيرها حبيتها وضيعت شبابي معها ووثقت فيها وكنت اقول لها كلها مسألة وقت واخطبك وفعلا هاذي كانت النية بس صدمتني وصرت اشك انها كانت هي تتسلى فيني بس كانت تحبني حقيقي وكل كلامها ومشاعرها اللي كانت تقولهم كانوا من قلبها وانا كنت حاس بحبها ماتوقعت تتخلى عني بكل هاذي السهولة انا رجال اكبح دموعي وما ابكي لكن هاذي البنت ابكتني وانا اكتب القصة وكلي وجع في قلبي الله يستر عليها ما اتمنى لها الا الخير لكن قلبي مكسور احتاج بأي طريقة اتخطاها اعتذر على الاطالة لكن حرقة قلبي خلتني اقول كل شي